Дали сте знаеле дека постојат пет правила кои треба да ги испочитувате за да добиете валидни резултати при мерењето на крвниот притисок. За да се добие вистинската слика, притисокот треба да се мериме три пати на ден – наутро, преку ден и навечер, во период од пет до седум дена. Измерените вредности се запишуваат, а резултатите ги проценува лекар. Луѓето најчесто притисокот го мерат кога ќе почувствуваат некоја тегоба, а тогаш е сосема нормално да биде покачен.
ПРЕД МЕРЕЊЕ ИСПРАЗНЕТЕ ГО МОЧНИОТ МЕУР
Полниот мочен меур создава нервоза и немир, што е причина да се зголеми артерискиот притисок. Заради пол мочен меур, измерената вредност на притисокот може да биде за 5-10 mmHg повисок од вистинскиот.
ОДМОРЕТЕ СЕ
Потребно е да одморите барем пет минути на фотелја или на столица, на местото на кое планирате да го мерите притисокот. Немојте да зборувате, да се возбудувате, ниту да чекорите, бидејќи сето тоа го зголемува притисокот.
ПРАВИЛНО НАМЕСТЕТЕ СЕ
Мора да седнете на столица или во фотелја која ви е удобна. Освен тоа, иделано би било да имате поддршка за рацете, грбот и нозете.
ПОЛОЖБА НА РАКАТА
Високо завратете го ракавот на раката на која ќе мерите притисок. Најдобро е раката да се постави на исто ниво со срцето. Првиот пат измерете притисок на двете раце и на која ќе покаже повисока вредност, на таа мерете во иднина.
ОСТАНЕТЕ МИРНИ
За време на мерењето не зборувате, и не се помрднувајте. На резултатите може да влијае и возбудата, а поради тоа вредностите на притисокот може да бидат и неколку десетици mmHg повисоки од реалната вредност. Пред мерењето не смеете да пиете кафе или црн чај, бидејќи може да го зголемат притисокот, а избегнувајте и енергетски пијалоци.
