Секоја промена на кожата околу или на брадавиците може да биде показател на здравствен проблем и ако нешто чудно забележите, мора да се обратите на лекар.
Ова се пет работи кои треба да ги знаете за брадавиците:
Празнењето на брадавиците е нормално
Докторите објаснуваат дека млечна, проѕирна, или сино-зелена боја на течност може да се појави од брадавиците ако се притиснат, и тоа не е загрижувачка појава. Но, доколку забележите крваво празнење, потребно е да посетите лекар, бидејќи таквиот исцедок може да биде знак за појава на циста, бенигнен тумор или рак на дојката.
Вежбањето може да ги иритира брадавиците
Вежбањето понекогаш може да ги изиритира брадавиците, но тоа може да се реши со носење на добар спортски градник и со балсам. Ако не вежбате, а забележите дека брадавиците станале црвени и перутави, одете кај својот лекар. Тоа може да биде знак за болест. Тоа, исто така, може да биде егзема, затоа немојте да бидете вознемирени. Дозволете лекарот да процени.
Нерамнините околу брадавиците се нормални
Малите нерамнини околу брадавиците се фоликули. Доколку имате влакненца на брадавиците тоа е нормално и може да ги отстраните ако ви пречат. Ако фоликулите растат и станат болни, задолжително посетете доктор.
Вовлечените брадавици не се причина за загриженост
Пластичните хирурзи објаснуваат дека повеќе од 15% од жените имаат вовлечени брадавици. „За ова да се исправи, потребна е релативно мала хируршка процедура. Се прави мал рез за да се ослободи сврзното ткиво, а брадавицата да излезе. Може да се направат брадавици под локална анестезија за околу еден час„, објаснуваат стручњаците по пластична хирургија.
Трета брадавица е многу почеста отколку што мислите
Околу 27 милиони Американци имаат трета брадавица. Многу луѓе се во заблуда дека третата брадавица е ознака на кожата или бенка. Нема потреба да се грижите доколку имате трета брадавица, и тоа е проблем кој може едноставно да се реши ако ви пречи. „Целата процедура трае околу 30 минути, а опоравувањето е минимално„, велат пластичните хрирузи.
