Лекувањето на ракот е многу сложена задача. Притоа, лекарите тврдат дека основната причина за смртност од оваа кобна болест не е самото заболување, туку фактот дека болните се обраќаат за лекарска помош, кога веќе е многу доцна. Основните ризик фактори за појава на карцином се генетската предиспозиција, пушењето, храната, алкохолот и прекумерната тежина.
- Пушењето го зголемува ризикот од заболување од рак на бели дробови, усната шуплина, јазик и грлото. 70% проценти од жените со рак на белите дробови се пушачи.
- Храната, односно сите пржени продукти допринесуваат за трупање на канцерогени во организмот. Тоа се истите тие супстанци кои предизвикуваат рак. Балансираната исхрана значи и подобро здравје, а истражувањата покажуваат дека љубителите на мрсната и солена храна имаат двојно поголем ризик за рак на хронопроводот и желудникот
- Алкохолот, односно неговата злоупотреба води до таложење на токсични состојки во организмот кои го потиснуваат имуниот систем и помагаат за развој на заболувања од рак.
- Прекумерната тежина, која надминува 40 и повеќе проценти од нормалната ,значи почесто заболување од рак на дебелото црево, на мочниот меур, на јајчниците и на матката.
Постојат редица симптом за развој на било каков вид на рак. Лекарите објаснуваат какви сигнали дава телото и нагласуваат дека никако истите не треба да се игнорираат, бидејќи така се создава ризик да не се забележи развојот на одреден вид на рак. Ова се петте главни симптоми каракеристични за развој на било која форма на карцином:
- Болно чувство. Во почетната етапа, не станува збор за голема болка туку чувство за дискомфорт во еден орган
- Брзо намалување на телесната тежина. Туморот го принудува организмот да произведува супстанци кои ги нарушуваат метаболните процеси и тоа доведува до намалување на телесната тежина за само неколку месеци.
- Постојана слабост. Отпадните продукти на туморот предизвикуваат интоксикација, слабост и анемија.
- Зголемена телесна температура. Имуниот систем потиснат од туморот реагира со покачување на телесната температура.
- Промена на состојбата на косата и кожата. Поради метаболни нарушувања воочливи се и надворешни проблеми.
