Оддамна веќе не јадете брза храна, избегнувате слатко и редовно вежбате, но вишокот килограми како да се залепиле за вас. Малку луѓе знаат дека утринските ритуали може да го забават слабеењето. Според некои истражувања време е да се откажете од следните пет навики:
ПРЕДОЛГО СПИЕТЕ
Доколку прекратко спиете, телото лачи повеќе од хормонот на стрес – кортизол, што ќе доведе до зголемен апетит. Меѓутоа, ни премногу сон не е добро. Според студијата на научниот магазин „PLOS One„ ако спиете повеќе од 10 часа, индексот на масти во телото ќе се зголеми. Не е чудо што лекарите препорачуваат од 7 до 9 часа сон.
СЕ ПОДГОТВУВАТЕ ВО ТЕМНИЦА
Не ги отворате прозорците и не ги кревате ролетните кога ќе се разбудите? Тоа е втора причина за проблемите со килограмите. Светлината и сончевите зраци значајно влијаат на метаболизмот и помагаат телото да се разбуди, се наведува во „PLOS One„. Во темница, организмот и понатаму се однесува како да е во пасивна состојба.
НЕ ГО МЕСТИТЕ КРЕВЕТОТ
Звучи необично, но е вистина. Американската студија „National Sleep Foundation“ открила дека луѓето кои го местат креветот наутро, а навечер го разместуваат, поквалитетно спијат. Станува збор за уште еден психолошки ефект кој има големо влијание на телото.
БЕГАТЕ ОД ВАГАТА
Универзитетот во Корнел дошол до заклучок дека е потребно секогаш да се следи килажата. Најдобро време за мерење килограми е наутро, веднаш по будењето, пред јадење. Со оглед дека во текот на ноќта организмот го губи вишокот на вода, утринската килажа е најточна.
НЕ ПОЈАДУВАТЕ РЕДОВНО
Универзитетото во Тел Авив во својата научна студија истакнува дека појадокот е најважен оброк во текот на денот. Балансираниот утрински оброк би требало да содржи околу 600 калории, протеини, јаглехидрати и мал десерт.
