Карцином на бубрезите е еден од 10. најчести карциноми кај возрасните лица. Кога станува збор за карцином на бубрези, обично се мисли на аденокарцином (РРЦ), односно карцином на бубрежните клетки, кој опфаќа 85% од сите карциноми на бубрезите.
Човекот има два бубрега кои ја прочистуваат крвта од отпадните материи и токсини. Бубрезите помагаат во рамнотежата на хемискиот состав на крвта. Освен што ја чистат крвта и произведуваат урина, бубрезите лачат хормони кои помагаат при варењето на храната и ја поттикнуваат коскената срж да произведува здрави крвни клетки.
РАНИ СИМПТОМИ
Крв во урината
Крвта во урината е најчест симптом во напреднат карцином на бубрезите. За време на раниот стадиум на болеста, симптоми нема. Ако има обилно крварење, крвта може да изгледа свежо и светло, објаснуваат лекарите. Но ако крварењето е бавно, крвта има време да оксидира, па изгледа темно. Тоа значи дека не може да се потпре на бојата на урината за да се заклучи било што. Промената на бојата на урината е сигурен знак дека треба да се провери што не е во ред.
Болка во долниот дел на грбот или од страна
Знак за оваа болест може да биде и болка во долниот дел на грбот или од страна. И тој симптом се појавува кога болеста ќе напредне. Туморот кој се создал мора да биде голем и да го притиска околното ткиво. Луѓето обично го откриваат туморот на бубрезите кога ќе отидат на компјутерска томографија или магнетна резонанца заради болка во абдоменот или во долниот дел на грбот. Во повеќето случаи болката ја предизвикуа некое друго ткиво, па туморот на бубрезите се открива случајно.
Постојан замор
Постојаниот замор и истоштеноста се поврзани со карциномот на бубрезите, но и со други болести. Симптомот не е специфичен, па нема веднаш да помислите на карцином на бубрезите, но мора да го прашате лекарот за совет ако симптомите потраат.
Слабеење
Бубрезите имаат важна улога во метаболизмот и во дигестијата. Ако имате проблеми со разградување на храната, апсорпцијата и столицата, тоа може да почне се манифестира со слабеење и губење на апетитот. Но, овие флуктации не се специфични само за карциномот на бубрези. И автоимуните пореметувања може да бидат причина за нив.
Крв
Туморите на бубрезите може да предизвикаат анемија, нерамнотежа на електролитите и калциумот и други проблеми поврзани за крвта. Ниту овие не се специфични симптоми само за карцином на бубрезите, но ако се појават, консултирајте лекар.
