Ракот на дебело црево е еден од најчестите малигни тумори во западните земји што се поврзува со низа фактори: наследното оптоварување, диететските навики, прекумерната тежина и дебелината, намалување на телесната активност и пушењето.
Болеста во поголем процент и се открива кај лица над 50 години, но во новата студија што ја спроведоа стручњаци од Американското здружение за канцер, стои дека е зголемен степенот на појавување кај лица на возраст меѓу 20 и 30 години.
Важно е да се додаде дека постои шанса за излекување од 92 % ако се открие навреме, а тоа може да случи, ако се препознаат раните симптоми.
Ова се симптомите на рак кои најчесто се игнорираат:
Анемија
Анемијата значи намален број на црвени крвни зрнца (еритроцити) или на хемоглобинот во крвта. Ракот на дебелото црево ја забрзува потрошувачката на црвените крвни зрнца. Ниското ниво на хемоглобин во крвта може да биде симптом на рак на дебелото црево, а обична крвна слика може да утврди дали сте анемични или не. Видливи показатели на анемијата се бледа боја на непцата, чувство на трнки во рацете и нозете, како и замор.
Крв во столицата
Може да станува збор за крв во столицата, на хартијата кога бришете или, пак, столицата може да биде во потемна боја, а последица се хемороидите кои се појавиле поради тумор или некој друг здравствен проблем. Немој да ја игнорирате крвавата столица, независно за колкава количина станува збор.
Губење килограми
Туморите може да предизвикаат губење на апетитот, но, исто така, ја менуваат и работата на метаболизмот.
Болки во делот на стомакот
Болките во стомак може да се јават поради растење на тумор во цревата, па ако почувствувате болки во овој дел и тие не престануваат, немојте да се двоумите и побарајте лекарска помош.
Потешкотии со дигестијата
Туморите често предизвикуваат запек, па извршувањето на нужда е тешко, а тие дополнително ќе го променат и изгледот на столицата која ќе биде потенка. Исто така, може да дојде и до зачестена дијареа (пролив). Ако оваа промена трае четири недели, веднаш обратете се на лекар.
