Ако децата растат во негативно опкружување, ќе станат мрачни и песимистични луѓе бидејќи го следат примерот на семејството. Затоа, многу е важно да им бидете позитивен пример, дури и тогаш кога ви е најтешко. Децата сакаат да бидат во друштво на позитивни и насмеани луѓе, а од мрачните луѓе се плашат и ги избегнуваат. Истражувањата покажуваат дека ако растат во негативно опкружување, и самите ќе станат песимистични затоа што, пред сe, се угледуваат на родителите, бабите и дедовците, а потоа на учителите и врсниците. Доколку вие секој ден сте мрачни и им приредувате „сцени“ на безнадежно, а не на ведро лице, таквиот модел и тие ќе го усвојат. Затоа е важно да им бидете позитивен пример и тогаш кога ви е многу тешко.
1. Нека ја запаметат вашата насмевка додека ги будите наутро и кога ги испраќате на училиште.
2. Не дозволувајте да ги растажуваат ситници. Објаснете им дека ништо не е црно-бело, туку дека во се има трошка убавина и причина за насмевка.
3. Кога ќе се вратат од играње или од училиште, прво прашајте ги што убаво им се случило наместо веднаш да навалите со прашања дали биле добри.
4. Опкружете ги со позитивни луѓе зашто тоа добро ќе се одрази на нив и ќе влијае врз формирањето на оптимистичниот поглед на животот.
5. Ако се тажни, утешете ги и објаснете им дека утре е нов ден и нова шанса за насмевка.
