Без разлика колку се пазиме од кашлање, кивање или течење нос на другите, имунитетот можеби не може да се одбрани од нападите. За среќа, постојат вкусни намирници кои содржат се што е потребно за да се зајакне имуниот систем и на тој начин да се заштитиме дури и од сезонските настинки.
Лосос
Лососот е одличен извор на протеини, односно белковини и омега-3 масни киселини. Белковините ја синтетизираат структурата на имуниот систем, па така и на кожата, мембраните, клетките и антителата. Тие обезбедуваат имунитетот да има со што да се бори против вируси и бактерии. Се советува консумирање два до три пати неделно на која било масна риба по 80 грама.
Јогурт
Освен што е одличен извор на протеини, јогуртот содржи и пробиотици кои го стопираат растот на лошите бактерии. Затоа е потребно да се вметне со дневниот план на исхрана.
Јајца
Јајцата се добар извор на витамини, како оние од Б групата и минерали. Едно јајце со средна големина содржи 6,8 грама протеини. Тоа го одржува организмот силен, а ги изградува и мускулите, па е одличен избор и за оние кои покрај имунитетот, оваа есен сакаат да поработат и на своето тело.
Јаткасти плодови
Јаткастите плодови се извор на селен и цинк, а 30 грама од нив дневно дополнително ќе му обезбедат на организмот и омега-3 масни киселини.
Пиперка и темнозелен зеленчук
Во пиперката и во темнозелениот зеленчук, како што е спанаќот, кељот или брокулата може да се најде витамин Ц, кој е исклучително важен во оваа сезона на настинки. Иако нема целосно да заштити, со сигурност ќе го намали времето на траење кога ќе нападне настинката. Но, нутриционистите советуваат овие намрници да не обработуваат многу термички, туку повеќе сурови да се консумираат.
