Болката во стомакот најчесто е неважна и минлива работа, ако ја чувствувате силно и интензивно, не треба да ја игнорирате. Може да се почувствува во горниот и долниот дел од стомакот, а местото на кое ве боли, може да ви помогне во дефинирање на здравствениот проблем.
Силна болка под десните ребра
Болката најчесто се јавува по консумирање на мрсна храна, а може да укажува на болки во жолчното ќесе. Најчеста е кај жени во 40. години со вишок на килограми. Болката подоцна се шири на десното раме и целата десна страна на торзото, а знае да биде проследена со често повраќање. Потребен е итен преглед, за да се утврди дека не станува збор за воспаление или напукнување на ќесето. Исто така може да биде и воспаление на слепото црево, но само ако болката и повраќањето, се проследени со висока температура.
Грчеви
Освен грчевита болка, симптоми се и надуеност, пролив или спротивно – запек, а станува збор за иритабилни (мрзливи) црева. Најчесто се појавува кај младите жени, кои се константно под стрес. Можеби не е потребен итен преглед, но секако треба да се побара лекарска помош.
Болка во горниот дел на абдоменот
Тапа, но прободувачка болка или чувство на притисок во горниот дел од абдоменот веднаш под ребрата укажува на проблеми со срцето. Доколку е проследена со потешкотии во дишењето, низок притсок и пулс, може да се работи за инфаркт. Исто така може да биде знак за воспаление на панкреасот, па затоа секако посоветувајте се со лекар.
Остра болка во долниот дел
на абдоменот
Остра, прободувачка болка во долниот абдоменот проследена со мачнини, повраќање, зголемена телесна температура и грозница, може да биде знак за камења во бубрегот или воспаление на бубрезите. Болката при напад на бубрезите се вбројува во силни болки кои обично почнуваат во лумбалниот дел на ‘рбетот од десна или лева страна и се спуштаат кон препоните. Обично е проследена со зачестено мокрење, непријатност при мокрењето, а понекогаш и со крвав исцедок.
Болка во долната лева страна на стомакот која се влошува кога се движите
Болката во долната лева страна на стомакот обично е знак за застаој на столицата, која се појавува по нередовно празнење на цревата, но може да биде и знак за воспаление на “џебовите„ на слузницата во кои столицата може да заостане, што доведува до крварење. Дивертикулитисот обично е проследен со зголемена телесна температура и зголемени воспалителни параметри.
