Незвисно колку здрав начин на живот водите, има заболувања кои се пренесуваат преку наследен пат и предиспозицијата кон нив е повисока. Ова се пет пет болести кои може да се наследат.
Гените на нашите родители, баби и дедовци можат да го отклучат или да го предиспонираат организмот на одредени болести. Наследните болести се два основни типа – хромозомски и молекуларни. Кај првите се забележуваат промени во структурата или бројот на хромозомите што резултира со хромозомски мутации. Со други зборови, нарушена е нормалната интеракција помеѓу гените во организмот. При молекуларните генетски болести, станува збор за генетски мутации. Во таков случај постојат аномалии во работата на регулаторниот или структурниот ген во организмот, односно протеинот не се синтетизира или, пак, има променети својства.
Цистична фиброза
Цистичната фиброза е болест во која се случува мутација на ген што резултура со произведување на погрешен протеин. Ова доведува до нарушена функција на егзокрините жлезди и предизвикува проблеми со белите дробови – најчесто кашлица и бронхијални инфекции. Може да станува збор за наследна цистична фиброза доколку и двајцата родители се преносители на генот за кој станува збор.
Целијакија
Целијакијата е болест на автоимуниот систем на организмот и во 95 % од случаите е наследна. При ваква состојба имуниот систем на телото сам се напаѓа и саботира. Пациентите страдаат од нетолеранција на глутен и не можат да ги обработат состојките кои се содржани во продуктите со глутен. Потребна е строга диета која ја исклучува опасната храна.
Таласемија
Таласемијата е форма на анемија при која постои недостаток на црвени крвни клетки. Оваа болест има две варијанти: алфа и бета таласемија, во зависност од тоа дали наследените и оштетените гени на хемоглобинот се само од едниот или и од двајцата родители.
Болести на срцето
За срцевите заболувања влијаат многу фактори, вклучувајќи го и начинот на живот, но често за нивна појава придонесува и генетскиот момент. Типично, најчестите кардиоваскуларни проблеми кои до некаде се наследни се: висок крвен притисок, аритмија, трупање на талог на ѕидовите на артериите што резултира со блокада или отежнат проток на крвта.
Дијабетес
Не секогаш дијабетесот е генетски наследен, но ако вашите родители ја имале оваа болест, многу е веројатно дека и вие ќе имате таков проблем во некоја фаза. При дијабетес зборуваме за високо ниво на шеќер во крвта. Најчести симптоми се честото мокрење, слабеењето, зголеменото чувство на глад, замор, дехидрација, трнење во екстремитетите и проблеми со видот.
