Том е 25 годишно момче кому му било потребно болничко лекување откако белите дробови не можеле да примат доволно кислород во телото.
Реинфекциите и натаму се ретки и момчето во меѓувреме се опоравило. Ова е петти потврден случај на реинфекција со новиот коронавирус во светот.
Студијата објавена во списанието Lancet Infectious Diseases го поставува прашањето за тоа колкаво ниво на имунитет се развува по инфекција со коронавирусот. Според ова медицинско списание, досега се потврдени случаи на реинфекција кај пациенти од Хонг Конг, Белгија, Холандија и Еквадор.
Сите овие пет случаи се многу различни: кај пациентот од САД и од Еквадор, втората инфекција била многу потешка од првата, додека случајот кај тројцата други пациенти бил обратен.
Момчето од Невада немало здравствени проблеми кои би го направиле посебно чувствителен на КОВИД-19. На 18. април тој бил позитивен на SARS-CoV-2 прв пат со благи симптоми – главоболка и болка во грлото, кашлица, мачнина и дијареа. Бил во изолација и потоа два пати добил негативен тест. Но, 48 дена подоцна, на 5. јуни, повторно бил позитивен со тоа што овој пат имал потешки симптоми. Меѓу останатите симптоми, имал респираторни потепкотии поради кои итно бил примен во болница и ставен на кислород.
“Нашите сознанија сигнализираат дека претходната инфекција не е нужна гаранција дека нема да дојде до нова зараза во иднина“, вели проф. д-р Марк Пандори од Универзитетот во Невада.
Можноста за реинфекција може да има значајни импликации за нашето сфаќање за имунитет на КОВИД-19, додава тој и вели дека дури и лицата кои се опоравиле од болеста треба да ги следат мерките кои се однесуваат на социјална достанца, маска за лице и миење раце.
