Нова студија, чии резултати се објавени во магазинот Nutrients, открива дека лицата кои пијат најмалку една шолја кафе во денот, може да бидат заштитени од инфекција со коронавирус. За потребите на студијата научните од Универзитетот Нортвестерн анализирале податоци од 38.000 лица во Велика Британија, а ги следеле нивните прехранбени навики, но и што пијат – кафе, вода или чај, па тие податоци ги споредиле со податоците од минатата година. Околу 17 проценти од испитаниците во студијата имале позитивен тест на коронавирус.
По проверка на резултатите, научниците поврзале дека лицата кои секојдневно пијат кафе имаат дури 10 проценти помал ризик да се заразат со коронавирус. Исто така откриле и дека исхраната богата со зеленчук, ги намалува шансите да се разболите. Процесуираното месо е поврзано пак со поголем ризик од развој на болести, иако црвеното месо не е поврзано со зголемен ризик.
Консумирањето кафе е во корелација со воспалителните биомаркери кои се поврзани со посериозна форма на болеста и смртен исход поради вирусот, стои во соопштението на научниците. Кога ќе се земат предвид двата фактори, ефектот на кофеинот против болеста е присутен и потребни се дополнителни истражувања.
ТРЕБА ЛИ ДА ПИЕТЕ КАФЕ ЗА ДА СЕ ЗАШТИТИТЕ ОД КОВИД-19?
Епидемиолозите се согласуваат дека е тешко да се каже дали кафето навистина ќе го намали ризикот од болеста, па сите стручњаци се согласуваат дека е потребно дополнително истражување за да се сфати и тој механизам.
Д-р Ричард Ваткинс, инфектолог, смета дека може да се работи за случајна коинциденција, но и тој мисли дека кофеинот може да има влијание на заштита од воспаление, но тоа е само претпоставка. Можно е и навиката на пиењето каде е поврзана индиректно.
“Можеби само се работи за луѓе кои внимаваат на своето здравје“, додава тој.
На пример, навиката за пиење кафе ги зголемува шансите лицето цврсто да се држи до физичка активност, а тоа е најдоброто нешто што можете да го направите доколку сакате да го заштитите вашето здравје.
