Откако се измислени контрацептивните пилули на многу жени им е сменет погледот на сексуалноста затоа што водењето љубов не мора да резултира со бебе. Затоа ни малку не чуди фактот дека токму тие се првиот избор за заштита од бременост.
Што се случува во телото во првите месеци кога жената ќе се „симне“ од таблетите?
Циклусот се враќа во нормала
По престанувањето можни се пообилни менструации, посилни грчеви и поинтензивен ПМС. Така е затоа што таблетата го крева нивото на прогестерон и естроген со што спречува овулација, а со самото тоа и непријатни болки.
Третина од жените слабеат
Хормонот естроген кој го содржат таблетите може да резултира со надуеност и задржување вода, па штом престанете со користење надуеноста ќе престане.
Градите се намалуваат
Откако ќе ги оставите таблетите градите може да се вратат во оригиналната големина, но ова не е важи за сите жени.
Вагиналниот секрет е почест
Таблетата освен што спречува овулација, го намалува и производството на вагинален исцедок.
Посилна сексуална желба
Падот на либидото е еден од најголемите проблеми при земањето контрацептивни таблети. Можна е и вагинална сувост, па откако ќе ги оставите апчињата ќе се врати и желбата, особено во овулација.
Почесто се појавуваат акни
Така е затоа што се намалува нивото на тестостерон кој се поврзува со акните.
Можна е бременост во првите недели
По престанувањето повторно има овулација, па затоа е зголемен ризикот од бременост. Таа е можна и во првите недели по престанокот на користење на таблетите.
