Повеќе од две чаши чај или кафе дневно можат и тоа како да го зголемат ризикот од појава на рак на белите дробови, се резултатите од новата меѓународна студија. И тоа дури и нема врска со тоа дали сте пушач или не, а разлика не прави ни тоа дали пиете кафе со кофеин или без.
Резултатите од студијата на Универзитетот Вандербилт во Тенеси покажале дека луѓето кои пиеле по два филџани кафе дневно имале за 41 процент поголеми шанси да заболат од рак на белите дробови во однос на оние кои воопшто не консумирале кафе или пиеле помали количества. Оние, пак, кои пиеле по две шолји чај дневно имале за 37 отсто поголеми шанси да заболат од рак на белите дробови.
Она што научниците го забележале е разликата во опасностите во склад со годините или видот на кафе, но докажано е дека популарните безкофеински кафиња за уште 15 отсто го зголемуваат ризикот.
Онкологот доктор Џули Фишер истакнува дека влијанието на кафето и чајот подетално може да се истражи и дека засега е претпоставка дека со ракот на бели дробови се поврзува постапката на правење кафе, а не кофеинот.
