Сакате да пиете кафе и чај? Не можете да го замислите утрото без еден од овие два напитоци? Всушност не грижете се, навиката сепак е здрава – антиоксидантите во црниот чај (теафлавини) и зелениот чај (катехини) го намалуваат ризикот од срцеви болести, шеќерна болест, па дури и карциноми, додека антиоксидантите од кафето го намалуваат ризикот од дијабетес тип 2, кардиоваскуларни болести и невродегенеративни заболувања (Алцхајмерова и Паркинсонова болест).
Истражувањата покажале дека личностите кои пијат чај и кафе имаат за 20 до 30 % намален ризик од рана смрт, во однос на личностите кои не пијат ниту еден од овие напитоци.
Сепак, посветете внимание да не претерате со кофеинот – препорачаната горна дневна граница изнесува 400 мг дневно. Исто така, би требало да се одбегнува пиење кафе доцна попладне, доколку навечер имате проблем да заспиете или не спиете добро.
