Свежо цедените сокови од овошје и зеленчук не само што ни обезбедуваат изобилство витамини, минерали и антиоксиданти, туку и ефикасно го намалуваат уморот и не штитат од болести.
Со употребата на соковник (место блендер) се отстрануваат влакната, па на тој начин нашето тело полесно ги вари овошјето и зеленчукот и полесно ги апсорбира хранливите материи од сокот. Исто така, со самото тоа што помалку го оптоваруваме дигестивниот тракт, доаѓа и до зголемување на нивоата на енергија.
Доколку забележите први знаци на настинка, потрудете се да пиете повеќе свежо цедени сокови кои ќе ви обезбедат мноштво витамини кои го зајакнуваат имунитетот и ја спречуваат појавата на замор. Некои од најдобрите комбинации за зајакнување на одбранбениот механизам на телата се соковите од моркови, портокали и јаболка, потоа од портокали, грејпрут и лимон и комбинацијата од цвекло, морков и ѓумбир.
