Како да ја препознаете
Сува уста – ова е, веројатно, најочигледниот показател за дехидратација и истовремено потсетник дека на вашето тело му недостига течност. Не го игнорирајте овој симптом – веднаш напијте се чаша вода!
Урина со темна боја – Урината кај здравите лица со оптимално хидриран организам е со светложолта боја. Темножолтата боја на урината укажува на недостиг на течност во организмот (понекогаш тоа е последица и на земање на некои лекови или обоена храна).
Општа слабост – повеќето од нас сметаат дека оваа состојба е резултат на стрес и секојдневна нервоза, меѓутоа заморот и летаргичноста може да бидат знак на дехидратација.
Сува кожа – Долготрајната дехидратација на организмот може да се манифестира и со сува, збрчкана кожа без сјај. Затоа, зголемениот внес на течности резултира со нејзин свеж изглед и здрав сјај.
Главоболка – Блага постојана главоболка е индикатор на дехидрираност. Пред да посегнете по некој аналгетик, пробајте да ја изгаснете жедта.
Колку е доволно
Колку течност е потребно да внесувате зависи од многу фактори – старост, пол, климатски услови, физичка активност… Општо правило е дека мажите треба да испијат 2,6 литра вода/течност дневно (околу 10 чаши), додека на жените им е потребно 2,1 литар (околу 8 чаши). Меѓутоа, оваа проста математика не го зема предвид тоа што повеќето луѓе големо количество на течност внесуваат и преку храната. Најдобар пример за тоа се грозјето, зелената салата и лубеницата. Малку е познато дека дури и навидум сувата храна (како што е лебот) и прехранбените производи варени во вода (ориз, тестенини, зеленчук) придонесуваат за дневното внесување на течности. Се проценува дека организмот од овие производи добива дури 20 отсто (помеѓу една и две чаши) од потребната количина течности.
Дали е можно предозирање
Иако многу ретко, со внесување течности може и да се претера. Во позадина на т.н. интоксикација со вода лежи хипонатремија, односно намалување на нивото на натриум или сол во крвта, што резултира со оток на клетките и е особено штетно за мозокот. Оваа состојба се манифестира со замаглен вид, гадење и повраќање. Повеќето случаи на предозирање со вода се резултат на зголемено губење на течности од организмот, во комбинација со прекумерен внес, обично повеќе од 4 литри вода за многу краток временски период.
Секоја капка се брои
Водата е најефикасниот и најлесниот начин за секојдневна хидратација на организмот. Сепак, сите видови течности – млеко, сок, супа, па дури и кафе – предонесуваат за дневниот внес. Иако кафето и чајот делуваат како благи диуретици (стимулираат исфрлање на урина), стручњаците тврдат дека со овие напитоци сепак се внесуваат повеќе течности од што се губат. Од друга страна, преголемата количина кофеински напитоци може да предизвикаат несоница и главоболка, па затоа е најдобро дневниот внес на кофеин да биде под 400 mg, што одговара на количина од четири шолји кафе, во зависност од неговата јачина.
Што треба да се избегнува
Иако во текот на топлите денови најмногу ви одговараат ладните пијалaци, сепак избегнувајте консумирање ладна вода. Храната што ја внесувате во организмот мора на правилен начин да се свари, за телото да ја добие потребната енергија. Во оној момент кога ќе испиете ладна вода или било кој друг ладен пијалок се јавува проблем. Имено, во тој случај организмот храната ја остава „на чекање“, а енергијата, наместо на варење, ја троши на итно загревање на ладниот напиток. Мастите од храната се врзуваат за ладната вода, што доведува до забавување на варењето и метаболизмот и зголемување на телесната тежина. Освен тоа, ладната вода ја зголемува киселоста на организмот, што е причина за појава на разни здравствени проблеми.
Не консумирајте вода со оброкот!
Не се препорачува консумирање вода со оброкот поради фактот што таа ги разблажува дигестивните сокови, така што самиот процес на варење трае подолго и е помалку ефикасен од обично. Водата се пие најмалку половина час пред или еден час по оброкот.
