Пилешката супа не само што ни обезбедува течност која ни е посебно неопходна кога нашето тело се бори против вируси, туку и ги намалува воспаленијата кои се одговорни за непријатните симптоми кои одат со настината и грипот. Не е сосема сигурно која состојка од пилешката супа е заслужна за овој ефект, но научниците сметаат дека станува збор за здружено дејство на пилешкото и зеленчуците, кои изобилуваат со витамини, минерали и бројни антиоксиданти.
Одлично би било доколку супата ја зачините и со црн бибер, куркума, лук, сушен или свеж ѓумбир, со оглед на тоа дека е докажано дека овие зачини поволно влијаат на имунитетот. Во супата за време на варењето можете да додадете и ѕвездест анис (1 парче на 2 л супа) – овој зачин содржи шикиминска киселина, активна состојка на некои од лековите кои се користат за лекување грип.
За време на студените денови трудете се да користите повеќе зачини, пример, во кафето додадете цимет. Овој зачин користете го и во шејковите, овесната каша… Бибер и куркума користете во јогурт, намази , омлет, варени јадења…
