Со оглед на тоа дека е богато со витамин Б, а кој благотворно делува на работата на нервниот систем, за пивото често се вели дека е добро за нервите, односно „пивце за живци“. Најновата студија покажала дека овој напиток со специфичен, горчлив вкус превентивно делува и на појавата на некои тешки заболувања.
Најновата британска студија открила дека отприлика 2,5 дл од овој пијалак секојдневно ја подобрува регулацијата на глукоза во крвта, а со самото тоа и превентивно делува на појавата на шеќерна болест.
Доколку нивото на глукоза во крвта секогаш е избалансирано, шансите личноста да заболи од дијабетес драстично се намалуваат. Истражувачите оваа теорија ја тестирале и на примерот на други алкохолни пијалаци, па така е востановено и дека ист ефект има и една чаша црно вино дневно. Кога станува збор за жестоките пијалаци треба да се биде внимателен.
Пијалаците со голем процент алкохол (како што се жестоките напитоци) доколку се консумираат во поголеми количества можат да предизвикаат посериозни последици по здравјето не само на дијабетичарите, туку и на луѓето кои немаат хронични заболувања. Со оглед дека содржи многу шеќер, алкохолот нагло го поткрева нивото на глукоза во крвта и доколку не се реагира сосодветно (кај инсулинозависните болни со додавање инсулин) може да дојде до хипогликемиска кома.
Заклучот од оваа студија е дека алкохолот, секако, треба да се консумира умерено, затоа што само така може да има позитивно дејство на нашиот организам.
