Неодамнешни истражувања покажале дека, не само што плачењето е здраво, туку е клучно и за менталното здравје и стабилноста. Задржувањето на емоциите и солзите може да доведе до трајни психолошки последици. Со плачењето ги отпуштаме сите грижи и сите лоши мисли, како и стресните случувања.
Ова се четири причини поради кои треба да пуштите солзите да течат:
Го намалува стресот
Плачењето е катарзичо. Пред 30 години, биохемичар открил дека емоционалните солзи содржат повеќе протеини отколку другите (на пример од оние кои течат кога сецкаме кромид). Експрименталниот психолог Алекс Гоез вели вака:„ Солзите имаат своја цел. Оние кои произлегуваат од емоции, содржат хормони на стрес, па на тој начин се ослободуваме од нив. Дури и ако не ви е пријатно да плачете, размислете колку стрес ви се насобрало„. Физичкиот процес на плачење вклучува грчење на мускулите, забрзано дишете и солзи. Во текот на тој процес, телото најпрво се опушта и повторно се отпушта стресот.
Создава ментална отпорност
Со плачењето искажуваме емоции и се соочуваме со нив. Игнорирањето на емоциите може да доведе до анксиозност или депресија. Луѓето кои не плачат често, најчесто посегнуваат по алкохол, дрога, или други компулсивни однесувања кои не се здрави. Соочувањето со сопствените емоции е многу важно и бара храброст.
Помага при соочување и заздравување
Професорот Роџер Бакер од факултетот во Мичиген верува дека со плачењето доживуваме трансформација на болките во нешто опипливо, и на тој начин ја процесуираме траумата. Солзите дозволуваат да се искаже психичката болка во физичка форма. Солзите всушност го започнуваат заздравувањето.
Ги зацврстува односите
Солзите ја прикажуваат нашата длабока поврзаност со светот и покажуваат дека не и важно. Плачењето пред луѓето покажува ранливост. Плачењето во тешки ситуации дава слобода да се изразиме. Пријателствата се зацврстуваат благодарение на плачењето. Докажано е дека со плачењето се чувствуваме подобро. Плачењето не го решава проблемот и не ја менува ситуацијата, но е издувен вентил кој го започнува процесот на заздравување, не прави посилни, и општо ги зближува луѓето во заедницата.
