Познато е дека низ солзите телото се ослободува од токсини и дека на некој начин ја менува состојбата, помагајќи ни да се носиме со стресни и болни ситуации. Токму ова било повод да се направи истражување на Универзитетот Квинсленд. Во истражувањето учествувале 197 студентки кои можеле да бираат меѓу тажни и емоционално неутрални снимки. Околу 50 проценти од девојките кои гледале тажно видео на крајот плачеле.
Потоа продолжило така што испитаниците биле тестирани како реагираат на стрес, односно требало да ја стават раката под студена вода, додека научниците им ги мереле отчукувањата на срцето, дишењето, па и нивото на кортизол во телото. Спротивно на очекувањата, испитаниците кои плачеле не биле во состојба подолго време да ја држат раката во студена вода, но многу подобро го регулирале дишењето. Нивото на кортизол и кај едните и кај другите било слично.
„Плачењето може да одмогне исто онолку колку што може и да помогне. Во многу ситуации луѓето се срамат од солзите и се чувствуваат засрамено откако ќе се расплачат во јавност. Ако и вие така се чувствувате, веројатно, плачењето во вашиот организам нема да предизвика позитивни промени и нема да направи да се чувствувате подобро“, рекла Леа Шерман, авторка на студијата.
