Плачковци, лигуши, папучари… се некои од називите кои ги добиваат личностите кои пуштаат по некоја солза пред ТВ-екраните, над ликовите од сериите или филмовите. Ако се препознавте во описот, добро е да знаете дека ова не е нешто од кое треба да се срамите. Последното истражување спроведено на Универзитетот Оклахома покажало дека ова е „здраво“ однесување и не е нешто од кое треба да се срамите пред светот.
Личностите кои не ги кријат солзите се чувствуваат помалку осамени, развиваат самодоверба и се со поморално однесување, се наведува во заклучоците. Човековиот мозок не ги разликува ликовите на ТВ-екранот како фиктивни ликови, па заради тоа едноставно се поистоветува со нив или сочувствува со проживеаното, појаснуваат научниците и психолозите.
Исто е и ако на ликовите во серијата или филмот им се случува нешто убаво, тогаш оние кои ги гледаат тие сцени и самите се чувствуваат посреќни затоа што можат да се соживеат во нивната улога, баш како тоа да му се случува некому кој им е близок.
Личностите кои ги „преживуваат“ чувствата на ликовите од ТВ-екраните, полесно ги проценуваат луѓето и емоционално се поинтелигентни, се наведува, но се и повеликодушни кон другите и помалку себични.
Заради тоа гледањето телевизија со преживување на туѓите чувства, макар иако станува збор за глума, е поздраво од самото гледање во ТВ-екранот колку за да помине време, заклучуваат научниците.
