Една јапонска академија како една од најдобрите техники за ослободување од стресот, пред смеењето, спиењето или филџан топло кафе, го препорачува плачењето, всушност, од таму препорачуваат добро да се исплачеме.
Некогашниот учител Хидефуми Јошида, кој се претставува и како учител по плачење, организира работилници ширум Јапонија на кои ги учи луѓето за психолошките предности на плачењето.
„Самиот чин на плачење е поефикасен од спиењето или смеењето. Доколку плачете еднаш неделно ќе живеете без стрес“, вели тој.
Јошида објаснува дека слушањето емотивна музика, гледањето тажни филмови и читањето книги кои мамат солзи може да биде од голема корист за нашето ментално здравје затоа што тоа ја стимулира активноста на парасимпатичкиот нервен систем кој ги забрзува отчукувањата на срцето, но има и смирувачки ефект на умот.
Во 2014 Јоишида ги здружил силите со Хидехо Арито, професор на Медицинскиот факултет при Универзитетот Тохо во Токио, за да отпочнат серија предавања посветени на поткревањето на свеста за коориста од плачењето.
Во семптември одржале семинал во кој учестувале 79 тинејџери кои гледале тажен филм и кои имале задача да напишат есеј после тоа во кој објасниле како се чувствуваат.
Јошида не е првиот кој укажува на лековитото дејство на плачењето. Истражување под називот „Експерт за солзи“ на доктор Вилијам Фреј од 1981 година укажало дека плачењето ослободува ендорфин кој го зголемува чувството на среќа и благосостојба.
Друго истражување од 2008 година, пак, покажало дека 3000 луѓе се чувствувале далеку подобро во тешки ситуации откако добро се исплакале. Заради тоа авторите на истражувањето дошле до заклучок дека солзите може да се искористат како вид на терапија.
