Дури и ако земете лек за кој лекарите ќе ви кажат дека е плацебо, т.е. дека не содржи никакви лековити супстанци, тоа ќе ви помогне да ја намалите болката во грбот. Во експериментот на медицинскиот центар Бет Израел на пациенти кои страдале од лумбаго им биле давани таблети за кои лекарите им кажале дека се лажни. Пациентите кои го земале овој лек ги информирале истражувачите дека болката им се намалила за 30 %, а проблемите со движењето се намалиле за 29 % во однос на контролната група која не примала плацебо.
Во медицината долго се верувало дека делувањето на плацебо или лажниот лек се заснова на вербата на пациентите дека го добиле вистинскиот лек. Но пациентите во ова испитување знаеле дека примаат лажен лек, а состојбата сепак им се подобрила.
Резултатите од ова истражување се објавени во списанието Pain и ова е прво истражување од ваков вид кое докажало дека плацебото ја подобрува состојбата кај лумбагото, дури и ако пациентите знаеле дека не го земале вистинскиот лек.
„Тоа што пациентот зема лек во контекст на односнот со лекарот, дури и ако знае дека е плацебо, претставува одреден ритуал кој ги менува симптомите и веројатно активира одредни регии во мозокот кои делуваат на намалување на симптомите“, изјавил лидерот на ситражувањето д-р Тед Капчук.
