Плазмата од донатори кои се опоравени од КОВИД-19 е ставена на списокот на можни лекови за оваа болест, бидејќи содржи антитела кои ги создава имуниот систем на лицата кои се бореле против вирусот.
Британскиот завод за трансфуција и трансплантација утврдил дека машките дарители имаат повисоко ниво на антитела во плазата – 43% спрема 29% кај жените, бидејќи мажите се посклони кон заболувањето.
“На почетокот вашиот имун систем ќе се обиде да се бори против вирусот со белите крвни клетки. Ако станете поболни, вашиот имун систем мора да произведе повеќе антитела кои го неутрализираат или го убиваат вирусот“, објаснува проф. Давид Робертс, стручен соработник на Заводот.
“Нашите студии, како и бројни други сознанија низ светот, покажуваат дека мажите почесто посериозни заболуваат од КОВИД-19. А, тоа ги прави најдобри дарители на плазма кога ќе се опорават“, додава тој.
Во Македонија, повеќе од еден месец е покрената акција за донирање на конвалесцентна плазма за заболните од КОВИД-19. Во моментов на Институтот за трансфузиона медицина има 31 едница на конвалесцентна плазма.
Постапката за дарување плазма се вика плазмафереза и се изведува со високософистициран клеточен сепаратор. Постапката трае од 40 до 60 минути и се издвојува од 300 до 600 мл плазма, а останатите компонетни се враќаат на донорот. Плазмата која е дарувана е течниот дел на крвта кој брзо се надополнува.
А, како и кој се може да дарува ваков тип плазма, прочитајте овде.
