Резултатите до кои дошле британските научници покажуваат дека 81 отсто од испитаниците се чувствувале посреќни и поопуштени благодарение на плетењето. Научниците забележале дека постои важна врска меѓу зачестеноста на оваа активност и смиреноста, при што личностите кои често плетат имаат подобра когнитивна функција.
Плетењето има важни психолошки и социјални продобивки кои можат да придонесат за подобар и поквалитетен живот. И кај вештите плетачи, а и кај оние кои со ова се бават кога сакаат да ја покажат својата креативност, тоа има терапевстки потенцијал, се вели во студијата.
Вежба за мозокот
Во Велика Британија лекарите се охрабрувани плетењето да го препишуваат како препорака на своите пациенти, затоа што придонесува и за физичкото здравје кај луѓето. На пример, оние кои патат од артритис рекле дека плетењето ги одвратува од хроничната болка. Плетењето како средство за одвлекување внимание може да помогне и во намалувањето на чувството на осаменост и изолазција, што е чест проблем со кој се среќаваат постарите лица. Пушачите, исто така, изјавиле дека плетењето им помага да консумираат помалку цигари.
Научниците тврдат дека активностите како плетењето се важни затоа што истовремено вклучуваат различни подрачја во мозокот – меморија, распон на внимание, визуоспацијално процесуирање, решавање на проблемите и уште многу нешта.
Како нè усреќува плетењето?
Како и многу активности подразбира создавање нешто од почеток, а тоа покренува ослободување на допамин во мозокот. на тој начин примаме природен антидепресив, односно на немедицински начин го стимулираме центарот на наградување. Иако може да се поврзе со други креативни хобија, како што се сликањето и пишувањето, тука процесот е помалку спонтан затоа што главно вклучлува движења кои се повторуваат, а тоа може да го поткрене нивото на серотонин во мозокот.
Освен тоа плетењето опушта и го смирува премногу активниот ум бидејќи не тера да се концентрираме на она што го работиме. Таа активност ослободува од негативната енергија затоа што претставува извор на креативна позитивност и се добива чувство дека нешто е постигнато. Ритмичното повторување смирува и доведува до благо паѓање во транс. Тоа, исто така, го изедначува срцевиот ритам и го забавува движењето. Завршената работа пружа задоволство и самодоверба, исто како и пофалбите и комплиментите од другите луѓе кога производот е комплетиран.
