Симптоми
Симптомите на пливачкото уво обично се благи на почетокот, но може да се влошат ако инфекцијата не се третира или се прошири. Лекарите често го класифицираат пливачкото уво низ блага, умерена и напредна фаза.
Благи симптоми на пливачко уво:
- чешање во ушниот канал;
- благо црвенило внатре во увото;
- блага непријатност;
- истекување на чиста течност без мирис.
Умерени симптоми:
- интензивно чешање;
- зголемување на болката;
- посилно црвенило во увото;
- прекумерно истекување од увото;
- гној од увото;
- чувството на исполнетост во внатрешноста на увото и делумно затнување;
- намален или лош слух.
Напредни симптоми:
- силна болка која се шири спрема лицето, вратот или главата;
- комплетна блокада на ушниот канал;
- црвенило или отекување на надворешното уво;
- оток на лимфните јазли на вратот;
- треска.
Пливачкото уво е инфекција во надворешниот ушен канал. Често причина за пливачко уво е водата која останува во увото после капењето, создавајќи влажна средина која им помага на бактериите да растат.
Ставањето на прсти, стапчиња или други предмети во ушите, исто така, може да резултира со пливачко уво, бидејќи со тоа се оштетува тенкиот слој на кожата во ушниот канал.
Пливачкото уво е, исто така, познато и како otitis externa. Најчеста причина за оваа инфекција е бактеријата која ја напаѓа кожата внатре во вашето уво. Пливачкото уво обично се лекува со капки за уши, а брзиот третман може да ги спречи компликациите и сериозните инфекции.
