Стручњаците дури неодамна почнаа да се интересираат за феноменот наречен предменструален синдром, да ги бараат неговите причинители, како и начините тој да се ублажи со цел подобрување на животот на жените кои патат од ПМС.
Предменструалниот синдром претставува група на психички и физички симптоми кои се јавуваат една до две недели пред менструацијата.
Интензитетот на овие симптоми се разликува од жена до жена. Најчесто се јавува умор, напнатост, иритабилност, промени на расположението, депресија, потоа мигрена, вртоглавица, стомачни проблеми, несоница, болка во градите и абдоменот, тежина во нозете, задржување вода и добивање на тежина.
Повеќето симптоми исчезнуваат со појава на менструацијата. Овој сложен синдром би можел да се објасни со хормонскиот дисбаланс т.е. со вишокот естроген и недостатокот на прогестерон.
