Неодамнешното истражување во кое учествувале 1,9 милиони здрави, возрасни Британци покажало дека едно пиво или чаша црвено вино на ден можат да помогнат во превенцијата од кардиоваскуларни болести.
Имено, научниците утврдиле дека личностите кои пијат до 7 пива (од по 500 мл) на неделно ниво или 7 чаши (од по 175 мл) црно вино неделно имаат нешто помал ризик од срцев и мозочен удар за разлика од личностите кои воопшто не пијат алкохолни пијалаци.
Од друга страна, личностите кои на неделно ниво пијат повеќе од споменатите количества го зголемуваат својот ризик од разни типови на кардиоваскуларни заболувања. Авторите на студијата напоменуваат дека добиените резултати не значат дека сите треба да консумираме алкохол, како и дека постојат побезбедни и поефикасни начини да се намали кардиоваскуларниот ризик, како на пример, зголемена физичка активност, здрава исхрана, откажување од цигари...
БИДЕТЕ ВНИМАТЕЛНИ!!!
Алкохолот ја менува мозочната структура кај адолесцентите
Резултатите од друга неодамнешна, американска студија предупредуваат на штетните ефекти од прекумерното консумирање алкохол по развојот на мозокот кај адолесцентите и личностите помлади од 25 години.
До 25-та година од животот мозокот се уште се развива, па прекумерното количество (4 или повеќе алкохолни пијалаци во текот на 2 часа) во овој период од животот може да се поврзе со намалување на зоните од мозокот задолжени за памтење, внимание и јазички способности. Колку за пример, некои од можните последици би биле потешкотиите при учење на нови зборови. Исто така, се зголемува ризикот од алкохолизам понатаму во животот.
