Секоја роденденска прослава главно ја следи и задолжителен ритуал – дување свеќички на торта. Колку и да е забавно и со нетрпение да го исчекуваме моментот, тим на истражувачи на Универзитетот Клемсон во Јужна Каролина утврдил дека плунката која се шири со дувањето на роденденските свеќички го зголемува бројот на бактерии на глазурата на тортата за 1 400%.
За потребите на ова истражување научниците симулирале роденденска торта така што на колач од стиропор ставиле глазура и свеќички. Тие утврдиле дека по дувањето на тортата остануваат многу бактерии, но она што ги изненедило е дека секое лице кога дува остава различни видови бактерии.
Во просек по дувањето свеќички на глазурата има 14 пати повеќе бактерии.
Но, научниците велат дека ова откритие не треба да ја расипе роденденската забава, бидејќи тие бактерии главно не се опасни за здравјето.
