Камењата во бубрезите настануваат по висока концентрација на соли и други материјали во бубрежните канали. Со тек на време може да се формираат целини, кои се со големина на зрно песок, ситен шљунак, но и камења со поголеми димензии.
“Некогаш станува збор за меки талози, често може да бидат кршливи, но постојат и такви кои се цврсти како камен“, објаснува проф. Маргарет Перл, уролог.
Бубрежните камења се исфрлаат преку урината, а некогаш се јавуваат на места од кои исфрлаањето речиси е невозможно. Се работи за тесни делови на уринарниот канал кои водат од бубрегот до мочниот меур. Поголеми парчиња може целосно да го блокираат патот на урината, а болките се неподносливи.
Постојат случаи на создавање на камења во бубрезите кои не предизвикуваат пречки. Се додека не предизвикуваат инфекции или не ја попречуваат работата на бубрезите, тешко се откриваат.
Камењата во бубрезите се појавуваат поради различни фактори. Исхрана, газирани пијалаци, генетика – сетоа тоа може да влијае на нивното формирање. Една од најчестите причини е дехидратацијата. Редовното внесување на оптимални количини течности во телото, ќе го намали ризикот од создавање на бубрежни камења.
Еве како најлесно да дознаете дали во вашите бубрези имате камења:
Болки во грбот или во препоните. Болката почнува како мачнина,а потоа се манифестира како оштра и грчевита болка која тешко се издржува. Се чувствува во грбот, делот на колковите или препоните.Кога камењата се поместуваат, пациентот постојано се обидува да пронајде соодветна положба на телото за да си ги олесни тегобите. Изненадните напади може да траат од 20 до 60 минути.
Зачестено мокрење. Лицата кои имаат камења во бубрезите ја чувствуваат оваа непријатна потреба. Симптомот се искажува зависно од местото каде се наоѓа каменот. Ако каменот се формирал во близина на мочниот меур, пациентот ќе има постојана потреба за во тоалет. Количината на урината која во таа состојба се исфрлува е занемарлива.
Крв во урината. Камењата создаваат оштетувања на ткивото околу, па крварењето е неминовна појава. Некогаш е целосно очигледно, а најчесто се открива со анализа на урината. Таа може да биде обоена во црвена боја или како темен чај со кафеава боја.
Болка и пецкање при мокрење. Ако чувствувате непријатност, тоа може да биде еден од симптомите за бубрежни камења. Болката најчесто се чувствува кога каменот ќе се најде во уринарниот канал и ќе тргне кон мочниот меур. Почесто болката е симптом на инфекција ан уринарните патишта, но секако треба да се проверат и бубрезите.
