„Различностите се преубави“, напишала Катерина Скорзоне на својот инстаграм-профил и ги воодушевила фановите со пораката која сакала по тој повод да ја пренесе во јавноста.
Децата со Даунов синдром често се изолирани и се гледаат само во друштво на родителите. За да се обрне внимание на овој проблем, октомври ширум светот се одбележува како месец на свеста за Дауновиот синдром.
Познатата актерка од серијата „Вовед во анатомија“ по тој повод објавила фотографии од својата едногодишна ќеркичка Палома, а под неа напишала дека различностите се преубави.
Катерина, исто така, укажала и на статистиката која ја покажува зачесетеноста на Дауновиот синдром и нагласила дека е важен начинот на кој ги користиме зборовите кога зборуваме за овој синдром.
„Важни се зборовите, родителите немаат РИЗИК 1:700 да добијат бебе со Даунов синдром, туку имаат ШАНСА 1:700 да станат родители на дете со Даунов синдром, како што имаат 50 отсто шанси да добијат девојче и 50 отсто шанси да добијат момче. Разликите се прекрасни. Употребените зборови го менуваат начинот на кој размислуваат луѓето. Зборовите се важни“, објаснила Катерина, која со сопругот имаат уште една ќеркичка, шестгодишната Елиза.
