Коронавирусот, односно КОВИД-19 е болест која прв пат се појави во февруари 2020. година. Има повеќе соеви и со самото тоа и повеќе различни симптоми, а сериозноста на болеста е за секоја личност различна.
Исто така, кај некои лица може да се јаваѕ последици кои траат извесно време, дури и неколку месеци откако лицето оздравело и откако веќе не е позитивно на вирусот. Оваа состојба се нарекува пост-ковид, односно долготраен ковид. Кај секоја личност симптомите и нивното траење ќе бидат поинакви, а ќе се разликуваат и по интензитетот.
ДОЛГОТРАЈНИ СИМПТОМИ НА КОВИД-19
Долготрајниот ковид може да се препознае по еден или по повече симптоми кои се појавуваат веднаш по прележување на болеста или неколку месеци подоцна, а може да се појави кај лица кои имале благи симптоми на болеста, како и кај лица кои имале потешки симптоми. Еден од најчестите симптоми на долготраен ковид е кашлицата која може да трае со месеци по самата болест, а исто така, многу луѓе се жалат и на замор и на постојана потреба за одмор.
Освен овие два симптома, останати знаци на оваа состојба се:
- Краток здив
- Болка во градите
- Проблеми со концентрацијата
- Несоница
- Вртоглавица
- Намалено или целосно изгубено сетило за вкус и мирис
- Болки во зглобовите
- Покачена телесна температура
- Осип
- Депресија и анксиозност
Во некои случаи може да се појават и оштетувања на органите. Така, може да дојде до појава на крвни згрутчувања, проблеми со срцето, бубрезите, но и до мозочен удар, како и автоимуно нарушување.
Долготрајниот ковид нема да се појави кај сите лица кои ја прележале оваа болест. Најзагрозени се повозрасните лица и оние кои имаат здравствени проблеми, но исто така може да се појави и кај млади и здрави лица, како и во поблага форма кај децата. Истражување од 2021 година, покажало дека повеќе од три четвртини од пациентите со КОВИД-19 од болниците во Вухан имале барем еден симптом на долготраен ковид дури шест месеци по пуштањето од болница.
ДОЛГОТРАЕН КОВИД КАЈ ДЕЦАТА
Повеќето деца кои ќе се заразт со коронавирус, имаат благи симптпми, кои траат пократко од кај возрасните. Исто така, децата кои ќе развиваат долготраен ковид имаат поблаги симптоми, а најчесто се работи за слабост, краток здив и главоболка.
Освен тоа, може да се појави покачена телесна температура, главоболка, кашлица, болка во мускулите и зглобовите, губење на мирис или вкус, како и болно грло. Досега праксата покажале дека се повеќе деца се соочуваат со оваа состојба.
КОГА Е ПОТРЕБНО ДА СЕ ПОБАРА ЛЕКАРСКА ПОМОШ?
Ако симптомите на долготрајниот ковид траат подолго од шест недели или се влошуваат, потребно е да се посети лекати и детално да се опишат сите присутни симптоми.
За да се открие дали постои посериозен проблем, лекарот може да побара понатамошни испитувања, да ви измери крвен притисок и пулс, да направи крвни анализи или рендген на бели дробови.
Долготрајниот ковид е состојба проследена со симптоми кои се појавуваат кај некои луѓе по прележување на болест КОВИД-19. Симптомите може да бидат благи, но можат да влијаат и на функцијата на органите и да ги попречуваат секојдневните активности. Продолжениот ковид може да трае и подолго од два месеци, а доколку симптомите се влошат, побарајте лекарска помош.
