Речиси сите се соочуваме со болки во грбот, а претпоставката е дека и многу боледувања и отсуства од работа вусшност и имаат некаква врска токму со овие болки. Самите симптоми можат да бидат различни, и тоа од блага до остра или хронична болка во долниот дел од грбот, а причините често се поврзувани со недостатокот на телесна активност, вишок килограми или неправилно седење. Меѓутоа болката може да биде и симптом на помалку очигледни болести.
Болести и пореметувања на уринарниот тракт
Болката во лумбалниот дел на грбот е еден од најочигледните симптоми на воспаление на бубрезите и бешиката, како и предупредување за создавањето каменец во уринарниот тракт.
Ендометриоза
Ендометриозата е болест која настанува под влијание на женските полови хормони, односно за нејзиниот развој и прогресија одговорни се хормоните кои циклично се лачат за време на менструалниот циклус и затоа, како што е веќе наведено, ги зафаќа жените во репродуктивниот период. Тегобите врзани за ендометриозата почнуваат во пубертетот, а престануваат по менопаузата.
Точната причина за ендометриоза не е позната, постојат повеќе теории кои го објаснуваат развојот на оваа болест, а е забележана наследна склоност. Ендометризата е бенигна болест. Шуплината на матката е обложена со слузница која се менува под влијание на хормоните за време на менструалниот циклус, а се нарекува ендометриум. Ендометриозата настанува кога делови од ендометриумот излегуваат надвор од матичниот орган – матката. Најчесто таквите делови од ендометриумот се наоѓаат на куп, на површината на јајниците и другите органи во карлицата. О поретки случаи можат да се наоѓаат и длабоко во ткивото на карлицата, во лигаментите и мускулите на карлицата. Може да се случи да бидат зафатени и други органи како цревата, мочните патишта, па дури и белите дробови.
Болест на дигестивниот систем
Стручњаците велат дека 75 отсто од болните од чир се жалат на болки во долниот делод грбот. И тоа не е се, затоа што и болните од воспаление на панкреасот често се жалат на истите симптоми.
Вежбање
Недостатокот на физичка активност може да доведе до болки во грбот, но дури и напорното вежбање, особено неправилното, може да резултира со исти последици. Токму заради тоа тренерите советуваат првите одења во теретана да поминат внимателно за да не се повредите.
Онколошки болести
Туморите можат да ги притиснат нервите што создава силна болка. Зависно од локацијата на туморот (тенко или дебело црево, бешика, бубрези или матка) болката може различно да се распореди.
Совет – колку поскоро побарате медицинска помош, толку порано можете да го отстраните сомнежот за тешки заболувања.
