Со стареењето мускулите стануваат опуштени, а првото место на кое тоа се забележува се мускулите на надлактиците. Тука кожата станува поопуштена, а мускулите млитави, па чудно се превиткуваат кога ги движите рацете, затоа и не ретко може да го слушнете називот „лилјак“. За среќа, постои вежба која ефикасно ги затега овие мускули и ги зацврстува рацете, па заради тоа ќе изгледате многу помладо.
Едноставните класични удари (нанапред) можат да направат чуда за вашите раце. Можете да ги повторувате во серии, а веќе после една минута ќе почувствувате дека рацете вршат интензивна работа, особено во комбинација со „чучнувања“.
Во класичните боречки вештини, тие се изведуваат од гард кој ги спречува ударите на противникот, а се изведуваат така што стиснатите дланки се поставуваат пред лицето, а брадата се турка наназад за да биде што е можно поблиску до вратот и градите. Нозете се поставуваат така едната да биде исфрлена напред заедно со колкот и предната рака (на деснаците тоа најчесто им е левата рака).
Ударот се исфрла од колкот како кога планирате да го удрите противникот, што е можно подалеку исфрлете ја раката и дланката, а при тоа треба да го ротирате горниот дел од телото, додека другата рака го „чува“ лицето. Но во овој тренинг и не морате на овој начин да ги изведувате тие удари. Важно е само да ги активирате рацете и да ги затегнете, особено во делот на здодевните „лилјак ракави“ (опуштени мускули) на надлактиците. Ударите можете да ги изведувате со благо завиткани колена. Како што ја исфрлате едната рака напред така благо амортизирајте со виткање на колената и со враќање кон горе пред нов удар. Најефикасно ќе биде ако ги комбинирате со некоја вежба за долниот дел од телото како што се чучнувањата. Заземете поза на високо „чучнување“, внимавајте колената да ви бидат во иста линија со прстите на нозете (не смеат да ја поминуваат таа граница), исфрлете го задникот наназад и исправете го грбот.
