Со оглед на тоа дека е познато дека херпесот е заразен и лесно се пренесува, а создава и естетски проблеми доколку се појави на лицето, желбата на пациентите е што побрзо да го решат овој проблем. Причинител на херпесите е вирусот herpes simplex 1. Овој паразит многу често се одомаќинува кај носителот, па и ако ви се чини дека сте го надминале, многу е веројатно дека вирусот само мирува и чека погоден момент кога ќе нападне. Обична настинка, покачена температура или стрес можат да допринесат вирусот да се активира и да создаде херпес. Оваа незгодна раничка, најчесто се појавува на устата, но може да ја има и на било кој дел од лицето.
Со оглед на тоа дека херпесот е заразен, а раничката болна и непријатна, може состојбата да си ја олесните со неколку природни напивки. Чаеви од билките како невен, маточина, камилица или бобиците од смреката помагаат кај херпесите, а вие може да испробате кој е најделотворен за вас.
Чај од невен
Познат по своето антивирусно делување, чајот од невен може да користи и доколку почувствувате дека излегува херпесот. Се препорачува да се испие свежо подготвен чај три пати во денот, а може да помогне и држење на влажна кесичка чај од невен врз усните.
Чај од бобици на смрека
Пресувани бобици од смрека се замотуваат во газа и се потопуваат во врела вода. Чајот моментално ги олеснува болките од херпесот, а исто е делотворно и држење на газата со бобици над херпесот.
Чај од камилица
Еден од главните причинители на херпесот е стресот, па чајот од камилица е најдобриот природен начин да се опуштите. Помага и држење ладна облога од кесичка чај врз херпесот, ја ублажува болката и пулсирањето.
Чај од маточина
Ако сакате да ги ублажите последиците од стресот и да превенирате херпес, чајот од маточина е вистинскиот избор.
