На замор и општо лошо чувство на организмот во пролет се жали секој втор човек.
Пролетниот замор е предизвикан од ослабениот имунолошки систем, недостатокот на витамин Ц и прилагодувањето на организмот кон новите временски услови.
Сепак, постојат некои едноставни навики, кои можат да се практикуваат во овој дел од годината, кои можат да помогнат полесно да се надмине оваа непријатна состојба. Заморот, недостатокот на концентрацијата и потребата за попладневна дремка се најчестите симптоми на пролетниот замор.
На организмот во овој период треба да му се даде поквалитетна храна, особено наутро, појадокот треба да биде богат со протеини и храна богата со витамин Ц.
Прошетки и трчање
После долгите зимски денови, сите со голема желба го очекуваме убавото сончево време. Сепак, не очекуваме дека обичната прошетка и секојдневните обврски ќе ни бидат мачни. Затоа многу е важно да спиете доволно, а наутро веднаш после појадокот да вклучите неккава физичка активност. За оние со подобра физичка кондиција тоа е трчањето, а за сите други прошетките или возењето велосипед.
Дневна светлина
Искористете го сонцето максимално и што подолго можете останувајте на отворено. Според некои истражувања пролетниот замор е последица на недостатокот на дневна светлина во зимските денови
Свежо овошје и зеленчук
Ако организмот е изморен, тогаш е лесна мета на вирусите. Заради тоа практикувајте во овој период што повеќе да консумирате свежи намирници, а во секојдневната исхрана внесете сѐ што има на зелените пазари. Здравата храна ќе помогне за детоксикација на организмот, кој во текот на зимата се хрален со тешка и масна храна.
Пијте чај
Билните чаеви не се напиток само кога сте настинати. Напротив чајот од камилица, нане, липа, или некоја друга билка, го подобруваат расположението, го поттикнуваат варењето и не будат од зимскиот сон.
Ноќта користете ја за спиење
Ноќта е време за одмор и регенерација, затоа оставете ги навиките за седење пред компјутер или телевизор и спијте редовно и доволно.
