Се смета дека пречувствителноста на временските (не)прилики е предизвикана од модерниот стил на живеење. Луѓето кои често и активно минуваат време на отворено, се поотпорни на амтосферските промени, од оние кои ретко излегуваат надвор.
Се чувствувате заморно, поспано, изнемоштено, ве боли глава, ве мачи болка во грбот… Најчесто за овие тегоби пронаоѓаме вина во временските (не)прилики. Но, забораваме дека сме дел од природата и дека треба да се прилагодиме на околината.
За што полесно се прилагодите и што помалку да чувствувате тегоби врзани со промените, ова се неколку едноставни совети.
Пијте доволно вода
Многу е важно да се спречи можна дехидрација, бидејќи така организмот полесно се прилагодува на атмосферските промени.
Зајакнете го имунитетот
Отпорноста на временските промени зависи од општата отпорност на организмот, па затоа е важно да се зајакне имунитетот со правилна исхрана и редовна физичка активност.
Редовно проветрувајте
Освежете го домот секој ден со редовно проветрување. И да се ниски температурите, наутро и навечер дозволете во домот да влезе свеж воздух.
Побарајте лекарски совет
Ако сте склони кон метереопатија, а веќе боледувате од некоја хронична болест, посоветувајте се во вашиот лекар, што полесно да ги надминете тегобите.
Редовно одете на прошетка
Секој ден најдете време за излезете од дома или од канцеларијата. Кога и да можете, минувајте време надвор, во природа, подалеку од градското подрачје или барем во некој зелен дел од градот, како парк или игралиште, ако сте со деца. Не барајте и не бирајте идеални услови, туку слободно шетајте и на дожд.
