Доколку чувствувате дека повремено во напредокот ви попречува мрзеливоста или дека немате онолку време колку што би сакале да се посветите на својата промена, можеби каизен е вистинскиот пристап за вас. Секој од нас од време на време пред себе си поставува нова цел, која не успева да ја реализира. Во такви ситуации обично се тешиме дека не бил вистинскиот момент, дека тоа ќе го направиме следната недела, следниот месец, година…
Методот каизен потекнува од Јапонија, и самиот збор е сложен од два збора – “каи“ што значи промена и “зен“ што се преведува како мудрост.
На почетокот сме биле полни со елан, но откако сме вложиле малку напор, склони сме да мислиме дека доволно сме направиле и дека е време за забавиме.
Поради што секогаш вака се завршува? Одговорот е релативно очигледен: бидејќи настојуваме да постигнеме премногу за прекратко време; бидејќи ни се смачила обврската што сме си ја задале; бидејќи е тешко да се променат навиките и да се проба нешто ново.
Оваа јапонска техника наречена каизен се основа на “принцип на една минута“. Суштината на оваа метода на самоусовршување е во идеата да секој ден во исто време се направи нешто една минута.
Дали намерата ви е да читате книга на странски јазик, или физички да се активирате 60 секунди, задачата што е пред вас нема да ја доживеете како нешто непријатно што треба побрзо да го завршите, туку тоа ќе се претвори во активност која ви носи радост и задоволство. Со ситни лекори че напредувате на патот на самоусовршување и ќе реализирате одлични резултати.
Кога сакате да постигнете одредена цел, многу е важно да го надминете чувството на недоверба во сопствените способност, чувството на вина и на беспомошност. Она што треба да го искусите за да се мрднете од мртва точка е чувството дека сте победиле и сте постихнале успех. Поттикнати од таквите чувства, со време ќе почнете да го продолжувате времето кое го трошите за исполнување на задачата што сте си ја задале.
