Било да спаѓате меѓу личностите кои секогаш мораат да слушаат некоја музика или музиката ја слушате одвреме-навреме, денес ви носиме неколку аргументи заради кои е навистина добро секојдневно да се слушаат омилените мелодии.
Верувале или не, слушањето на омилените песни е едноставен начин да го зајакнете имунитетот и да се одбраните од вирусите кои особено демнат за време на студените есенски денови и зимата.
Исто така, доколку овие денови сте под стрес, 25-минутно слушање класична музика би требало да ве опушти и да помогне во регулирањето на високиот крвен притисок.
Музиката, исто така, позитивно влијае на квалитетот на живот на луѓето кои се лекуваат од карцином, со тоа што го подобрува расположението и го ублажува интензитетот на болка и замор. Слушањето музика и часовите пеење поволно влијаат и на памтењето и ориентацијата кај личностите во почетен стадиум на деменција.
И тоа не е се – имено, истражувањата покажале дека слушањето музика во текот на бременоста дури и ја поттикнува и способноста за учење и памтење уште кај нероденото дете.
