Неодамнешна студија објавена во магазинот Science Immunology, која ја спровеле професорите д-р Акико Ивсаки и д-р Вошва Дип Дикст од Јејл универзитетот, покажала дека за опоравување од грип, како и од која било друга респираторна инфекција важат три правила: исхрана која обилува со масти и протеини (кето диета), парење во загреана бања и испирање на грлото и носот со солен раствор.
Се разбира, покрај овие мерки би требало да се придржувате и до сите добро проверени совети за опоравување – што е можно повеќе мирување, течности, намалување на температурата кога ќе помине 38,5 и одржување на проодноста на дишењето преку нос со капки.
Кето диета
Исхраната која обилува со масти и протеини или кето диета, според американските научници, мошне благотворно делува на имунитетот и на производството на Т-клетки. Овој тип на исхрана значи да се внесува што е можно повеќе месо, риба, јајца, млечни производи, јаткасти плодови, а што помалку јаглехидрати. На имуниот систем делува поволно затоа што го забрзува метаболизмот и помага организмот поефикасно да се избори со вирусот.
Туширање со врела вода и парење
Туширање со врела вода во топло купатило ги поттикнува дишните патишта и ги ублажува болките во коските и мускилите. Секој пат кога ќе се препотите, истуширајте се со што е можно потопла вода, а пред тоа загрејте ја бањата и исполнете ја со пареа. Истражувачите тврдат дека ова не само што ги олеснува симптомите, туку и го олеснува опоравувањето затоа што го јакне организмот.
Солен раствор
За да продишете низ затнатиот нос, да го ублажите слевањето на секретот и болката во грлото, може да помогне трипроцентен солен раствор. Оваа течност, која секој може да ја приготви во домашни услови, делува антибактериски и антисептично и спречува да се развие бактериска инфекција. Имунолозоите сугерираат дека испирањето на грлото и носот со солен раствор може да го забави понатамошното пренесување на вирусот на грип.
