Многу е тешко да се биде или да се остане благодарен во тешки животни ситуации. Сепак, многубројни студии покажуваат дека благодарноста има многу придобивки за нашето здравје. Од психичка до физичка благосостојба, секојдневната благодарност може драстично да ни го промени животот. Затоа, со внимателно одбрани чекори, станете се поблагодарни дури и за најмалите секојдневни работи. Еве дел од придобивките…
Според студијата на Универзитетот Варвик, благодарноста нè штити од стрес, анксиозност и депресија
– Професорот по психологија Нетан Девал од Британскиот колеџ за уметност и наука покажал дека благодарните луѓе се помалку агресивни, навредливи и помалку чувствителни.
– Благодарноста нè прави посреќни. Имено, студиите покажале дека дури и пишувањето листа на работи на кои сме благодарни позитивно влијае врз нашето расположение.
– Студијата од 2006 година покажала дека луѓето кои се заблагодаруваат почесто, ќе им помогнат на другите, па дури и на непознати.
– Истражувањата, исто така, покажале дека едноставно „благодарам“ има огромно позитивно влијание врз нашите животи и врз впечатокот што го оставаме на другите.
-Се покажало дека благодарноста влијае на активноста на мозокот поврзана со апетитот, желбата за пиење и метаболизмот и дека благодарните луѓе јадат просечно 20 % помалку маснотии.
Покрај тоа што благодарните луѓе се помалку агресивни, тие, исто така, се и посочувствителни
– Благодарноста, исто така, влијае на нашата мотивација кога станува збор за фитнес и вежбање.
– Бидејќи со благодарноста ја отстранувате споредбата со другите, луѓето кои се благодарни имаат поголема самодоверба.
– Благодарноста влијае на подобрување на квалитетот на сонот и го продолжува животниот век.
