Околу 1500 лица од целиот свет се пријавиле за контроверзниот проект, односно студија за “предизвик за КОВИД-19“. Идејата на иницијативата е да одреден број млади и здрави лица бидар вакцинирани со некој од кандидатите за вакцина, а потоа свесно да бидат заразени со коронавирусот SARS-CoV-2 и да се следи реакцијата на нивниот имун систем.
“Сакаме да ангажираме што поголем број на лица кои сакаат да го направат и однапред да ги квалификуваме како веројатни учесници во клиничките истражувања, ако дојде до нив“, изјави Џош Морисон, еден од основачите на иницијативата.
ПОКУС ПРОЦЕС
Досегашните искуства се дека развојот на вакцини и лекови е долготрајна постапка која може да се оддолжи и повеќе од 10 години. Иако во светот сега се работи на развој на над 10 кандидати за вакцина, и по забрзана постапка се почнува со клинички истражувања, научниците предупредуваат дека во најдобар случај имунизацијата против КОВИД-19 може да почне за една година.
ПОДГОТВЕНИ ДА РИЗИКУВААТ
Но, “студијата за предизвик“ во теорија би можела да биде многу побрза: многу помала група доброволци отколку во клинички истражувања би примила потенцијална вакцина и потоа намерно би била заразена со вирусот да се процени ефикасноста на имунизацијата.
Морисон вели дека лицата кои се пријавиле за учество во потенцијалниото клиничко истражување се млади, и живеат во урбани средини, и се високо мотивирани да направат нешто конструктивно за пандемијата со коронавирусот што побрзо заврши.
“Многумина напоменуваат дека препознаваат ризик, но веруваат дека предностите на забрзаната вакцина се толку големи, да вреди да се ризикува“, вели Морисон.
Студии на предизвик се правеле и за грип и за маларија
Вакви “студии на предизвик“ веќе се правени при развојот на вакцина за грип и лекови против маларија. Според проф. Нир Ејал, “изложувањето на здрави лица на вируси, звучи многу подраматично отколку што навистина е. Вакви студии неретко се спроведуваат за помалку опасни болест, со помала стапка на смртност. Но, во овој случај со КОВИД-19, улеството во ваква студија и конролираната изложеност на вирусот, за некои би можело да биде поприфатливо, оти би можело да звучи како посигурна опција од чекањето дали ќе бидат случајно заразени. Ако се заразат случајно во опшатта популација ќе мора да се потпрат и на општиот здравствен систем. Ако учествуваат во студијата, ќе имаат најдобра можна здравствена нега“.
