Доаѓањето на пролетта и подготовките за летниот одмор секоја година ја поттикнуваат желбата за намалување на тежината. Диетите се незаобиколен дел од ова време во годината, а исфрлувањето на јаглехидратите од исхраната еден од најкратките патишта до посакуваната тежина. Истражувањата на лекарите од Универзитетскиот медицински центар во Пенсилванија објавени во The New England Journal of Medicine, покажуваат дека диетата без јаглехидрати е два до три пати поефикасна од диетата со малку масти, кога целта е губење на тежината.
Мора да се има предвид дека диетата без јаглехидрати треба да биде добро избалансирана, за телото да не страда од недостаток на основните хранливи материи. Пред да го следите било кој план за исхрана, задолжителна е консултација со лекар и нутриционист.
Затоа, доколку сте подготвени за диета, прочитајте список од намирници кои треба да ги избегнувате, но и намирници кои имаат низок процент јаглехидрати.
Да се избегнуваат:
газирани пијалаци и алкохол,
брашно, тесто
ориз,
слатки и колачи,
тестенини, кекси и житарки,
сушено овошје,
мед,
маргарин
Препорачана храна со малку јаглехидрати
зелка – 3 грама јаглехидрати,
брокула – 4 грама јаглехидрати,
авокадо – 2 грама јаглехидрати,
спанаќ – 1 грам јаглехидрати,
карфиол – 3 грама јаглехидрати,
домати – 4 грама јаглехидрати,
малина – 60 грама малини содржат 3 грама јаглени хидрати,
боровинки – 70 грама содржат 4 грама јаглехидрати,
јагоди – 100 грама содржат 6 грама јаглехидрати,
цреша – 90 грама содржат 9 грама јаглехидрати,
маслинки – 100 грама содржат 6 грама јаглехидрати,
кикирики – 7 грама јаглехидрати,
лешници – 7 грама јаглехидрати,
ореви – 7 грама јаглехидрати,
бадеми – 10 грама јаглехидрати
јајце – околу 1 грам јаглехидрати
млеко – 100 милилитри млеко содржи околу 12 грама јаглехидрати, обичен јогурт – 1 чаша содржи околу 11 грама јаглехидрати.
