Крвта во столицата е првиот јасен симптом за рак на дебелото црево, а други може многу лесно да се превидат. Сепак, ако забележите некој од следниве знаци појдете на лекар:
Анемија
Недостатокот на железо може да е знак дека некаде губите крв. Ако мажот е анемичен, мошне лесно тоа може да се поврзе со рак на дебелото црево затоа што мажите немаат месечно крвавење како жените.
Не можете да дојдете до воздух
Уште една нуспојава на внатрешното крвавење е недостатокот на воздух. Кај губитокот на крв се намалува способноста на крвта да пренесува кислород, па заради тоа чувствувате краток здив.
Надуеност и грчеви
Доколку некое време чувствувате надуеност и грчеви тоа може да е симптом на рак на дебелото црево. Ако чувствувате во десната страна на стомакот, тоа може да е знак за подоцнежна фаза на болеста која се проширила на црниот дроб.
Запек
Повремен запек не треба да ве загрижува, но ако стане сериозно и долготрајно тоа може да е знак за рак на дебело црево. Појдете на лекар ако подолго имате запек.
Тесна столица
Обликот на столицата може да ја открие причината за аларм. Ако е тесна, може да укажува на ограничување на дебелото црево кое е предизвикано со полип. Постојана ретка столица може да е еден од симптомите за рак на дебело црево.
Столица со чудна боја
Темна боја на столицата може да укажува на тоа дека во изметот имате крв, и дека е најдобро да појдете на лекар.
Општите препораки се дека луѓето кои имаат генетска предиспозиција за развивање рак на дебелото црево, но и оние кои немаат, од 35 година еднаш годишно да прават анализа на столицата, а по потреба и колоноскопија.
