Во традиционалната кинеска медицина се користи 5 000 години, а е опишано е во првата позната кинеска фармакопеја. Во последниот век се повеќе се користи во Европа и САД, главно листот како додаток во исхраната или како хербален лек. Листот од гинко билоба содржи голем број на фитохемиски соединенија: алкани, липиди, стероли, бензеноиди, каротеноиди, фенилпропаноиди, јаглехидрати, флавоноиди и терпеноиди. Главната состојка се флавоноидите: моно, ди и тригликозидите и естрите на кумаринската киселина, кампферол и кверцетин, како и карактеристичните гинкголиди А, В, С, Ј и М и лактонот билобалид.
Во клиничките студии гинко билоба се покажал како ефикасен во подобрување на когнитивните функции. Во повеќето спроведени студии е забележано подобрување на симптомите на церебрална инсуфициенција, што се добива со позитивно делување на макро и микроциркулацијата. Кај учесниците во студиите е забележано значително подобрување на физичка издржливост и можност за пешачење, без присуство на болка. Од друга страна, гинко билоба се одликува со исклучително ниска токсичност и штетни ефекти, во рамките на препишаниот начин на употреба.
