Подочниците, покрај тоа што се сметаат за прв сериозен знак на стареење, често се и првиот сигнал испратен од нашиот организам и сугерира дека има некој проблем или дисбаланс. Тие може да бидат првиот показател за сериозна болест. Затоа е важно да се обрне внимание и подочниците да се разликуваат по формата, бојата, здебеленоста…
Темните кругови под очите, меѓу другото може да ни укажат на проблеми со бубрезите, тешка анемија, последици од стрес, кардиоваскуларни болести, последици од пушење или пасивно пушење, прекумерно изложување на сонце ...
Можеби не е доволно познато, но и изборот на храната и начинот на кој се консумира игра голема улога во формирањето на подочниците кои можат да се задржат и долго време откако се надмине проблемот.
Анемијата е еден од почестите причини за темните кругови под очите, особено ако тие се придружени со главоболка, замор, слаба концентрација, проблеми во учењето кај децата или послаба меморија.
Ако се потечени и потемни, се најчест показател за задржување на вишок течности во телото и укажуваат на проблеми со бубрезите.
Испакнати и отечени подочници се јавуваат кога се консумираат големи количини алкохол. Иако немаат многу врска со подочниците, појавата на жолто-кафеави мозолчиња често се јавуваат околу очите. Се работи за случаи кога има покачен холестерол и хормонално нарушување во телото. Тие исто така може да се однесуваат и на сериозни нарушувања во функцијата на црниот дроб и тироидната жлезда.
И тие што патат од алергии имаат проблеми со подочници. Честото бришење и триење на очите придонесува за пигментација и иритација на деликатната кожа на очните капаци. Препорачливо е да се третираат со лесни креми и што помалку да се фаќаат со раце.
Заради тоа, првиот чекор во борбата со темните кругови околу очите е доведување на телото во рамнотежа, доволно спиење, избегнување на цигарите, правилна исхрана, без нитрати и дополнителни соли, замена на лутата и зачинета храна со свежи намирници и консумирање алкохол во умерени количини.
