Во најголемиот број случаи подочниците се потсетници на начинот на живот, кој може да се промени. Но причина за нивна појава може да бидат и здравствени проблеми кои сигнализираат дека во нашето тело постои нерамнотежа и презаситеност на организмот со токсини. Затоа не е доволно да користите само козметички производи за нивно покривање, туку треба да се придржувате на некои основни здравствени методи и да го промените начинот на живот.
ОТЕЧЕНИТЕ подочници укажуваат на проблем со бубрезите и се показател на преголемата изложеност на организмот на стрес или на задршка на вода и создавање на масно ткиво околу очите.
ТЕМНИТЕ подочници, пак, алармираат за можна анемија, како и зголемен продор на крвта надвор од крвните садови во ткивата. Доколку круговите околу очите се црвеновиолетови, тоа значи дека имате некои пореметувања на лимфниот систем и на функцијата на бубрезите, додека, пак, светлокафената боја укажува на оптоварување на црниот дроб. Ако консумирате алкохол во енормни количини, подочниците ќе ви бидат испакнати и отечени.
Појавата на подочници често се препишува и на недостатокот на железо, витамин К и Б12, како и на антиоксиданти како витамините А, Ц и Е. Избегнувајте брза и масна храна.
ВОДА
Водата е важен сегмент во борба против подочниците, бидејќи делува во процесот на детоксикација на организмот. Таа е 72 % дел од нашето тело, па треба да ја пиеме и за да спречиме можна дехидратација. Дневно треба да консумираме 2 до 2,5 литри вода. Само 20 % од потребата за вода можеме да ја надоместиме со храната, додека остатокот мора да се внесува преку течности. Диуретиците, како коефинот и алкохолот, предизвикуваат поголема потреба за вода бидејќи го поттикнуваат излачувањето на водата од организмот, а со самото тоа може да имаат и контра ефект на нашето тело извлекувајќи го кислородот од клетките.
