Подваријанта на омикрон BA.5 се повеќе станува доминантен сој на вирусот и предизвикува значително зголемување на нови случаи со избегнување на претходниот имунитет од инфекции и вакцинација. Има три клучни мутации во шилестиот протеин кои ја прават побрза во способноста да не зарази и да ја избегне имунолошката одбрана. Така, има се повеќе луѓе кои повторно се разболеле од КОВИД-19 само три или четири месеци по претходната инфекција. Покрај тоа, помина веќе доста време од кога многумина примија трета доза вакцина, па од ден на ден сме сведоци на зголемување на бројот на заболени.
Податоците за заразените со ВА.5 веројатно не се точни
Стручњаците за вируси предупредуваат дека случаите на BA.5 веројатно се многу поголеми отколку што знаеме благодарение на домашното тестирање. Имено, брзите тестови дома им помагаат на луѓето побрзо да го дознаат својот статус и што поскоро да се изолираат, но лоша страна е што тие не се евидентирани во системот. Некои истражувања проценуваат дека случаите се три пати поголеми од вкупниот број што го гледаме, во некои земји тие се високи и до седум или осум пати.
Со цел да се намали ризикот од инфекција, вирусолозите советуваат ако можете да избегнувате места кои имаат поголем ризик.
- Затворени барови и ресторани
Преполните затворени ресторани и барови се високо ризични за ширење на вирусот, дури и ако луѓето би носеле маски. Побезбедно е надвор отколку внатре. Ако сте во затворен простор со мала група луѓе, отворете ги прозорците, вдишете малку свеж воздух. И во време кога случаите се зголемуваат, носете висококвалитетна маска во простори каде има мнкгу луѓе.
- Теретани
Знаеме дека коронавирусот лесно се шири преку капки и честички од аеросоли, што ги прави теретаните поризични места од некои други. Додека вежбаме енергично, исфрламе многу честички во воздухот. Варијантата BA.5 лесно се пренесува, а во мал простор каде што има многу луѓе кои вежбаат, ризикот од инфекција е значително поголем. Ако можете во текот на летото, одлучете се да вежбате на отворено.
- Затворени бродови, бродови за крстарење и туристички атракции во затворено
Експертите од американскиот Центар за контрола на болести (ЦДЦ) велат дека ако некој ја дизајнира најефикасната машина за ширење на коронавирусот меѓу 2.000 луѓе, таа не би изгледала многу поинаку од брод за крстарење. Исто така намалете го и влезот во места каде што се собираат многу туристи, а тие се затворени. Ако не можете, ставете квалитетна маска.
- Болници
Студиите покажуваат дека значителен дел од ширењето на КОВИД-19 во болниците е резултат на меѓусебни инфекции меѓу пациентите. Затоа, строго придржувајте се до мерките за носење маски, дезинфекција на рацете и држење на дистанца. Доколку не е потребно, не одете како придружник во болница. Но, ако имате симптоми кои може да укажуваат на болест, не избегнувајте да одите во болница поради страв да не се заразите. Ризикот од инфекција е многу помал со придржување кон епидемиолошките маски.
