Очите многу откриваат кога станува збор за здравјето, односно овој чувствителен орган на различни начини дава до знаење кога нешто се случува во телото.
Премногу сте под стрес
Ако очите одеднаш почнат да ви играат повеќе од обично, тоа може да значи дека сте под преголем стрес. Играњето на капаците може да е резултат и на недостаток на магнезиум.
Предолго сте на сонце
Ако ви се појави жолтеникаво испакнување (израсток), тоа може да биде безопасна дегенерација на ткивото (медицински се нарекува pinguecula). Добри очила можат да бидат одлична заштита.
Превисоко ниво на холестерол
Околу ирисот се прави бело-жолтеникав прстен, полн е со маснотија и укажува на пореметна размена на маснотии. Премногу маснотии во крвта е опасно и се поврзува со ризикот од инфаркт.
Имате проблеми со одредени органи
Жолтата боја на очите главно е знак на проблеми со жолчката или црниот дроб. Зад ова може да се крие и жолтица, како и проблеми со метаболизмот.
Премногу сте се напрегале
Ако во очите имате испукани капилари, не кревајте паника веднаш. По правило тоа црвенило исчезнува во рок од две недели. Крвта во очите може да е резултат и на тежок физички напор или висок притисок кој настанува при кивање или кашлање, па тогаш пукаат чувствителните капилари. Ако често пукаат или не поминуваат, тоа може да е знак на болести со метаболизмот, глауком или пречки при згрутчувањето на крвта.
Имате проблем со видот
Ако полека, но сигурно почнувате послабо да гледате, тоа може да е знак дека ви се неопходни очила. Меѓутоа слабеењето на видот, исто така, може да биде симптом на дијабетес. Во секој случај побарајте помош од лекар.
